影片
更多
2022-07-15
190 浏览
今天約咗朋友又來到極尚大灜喜食放題，但係因為朋友遲放工，只可以食8:30嘅時段，驚喜發現原來8:30時段有優惠，只係$248一位再加一，而且仲可以食到11點，性價比超高。自助吧一如以往好整齊乾淨，為座位亦都好舒適，全部都係卡位為主。食放題梗係狂食刺身啦，呢度嘅刺身選擇都幾多，我哋叫咗三文魚，吞拿魚，帶子，赤背，甜蝦，赤蝦刺身等等。全部都新鮮。特別鍾意三文魚夠肥美，赤蝦刺身超大隻，味道鮮甜。呢度嘅壽司卷物選擇都好多，我哋試咗炙燒三文魚同炙燒左口魚壽司。壽司飯唔會大大嚿，左口魚魚油豐富。京蔥拖羅塔賣相唔錯，有微微黑松露味。仲有迷你海膽小手卷同埋北海道帆立貝壽司任食，回本之選，海膽新鮮，帆立貝鮮甜，一定要encore。熟食方面，亦都好多回本嘅選擇，吉品鮑汁花膠同殿堂級宴客醉鮑魚都係必食。花膠大大件，而且入味，骨膠原豐富。鮑魚好爽滑，但而且有清新嘅酒香味。蒜蓉醬烤扇貝同黃金將燒開邊蝦好惹味，扇貝大大隻哦，開邊蝦亦都好爽口，好新鮮，我哋食咗幾round。之後我哋仲食咗好多嘢，例如燒鰻魚，羊架，比目魚西京燒，等等。食到好飽，但飲番杯嘢飲，抖抖之後點都要食返啲甜品。呢度飲品嘅選擇都好多，仲有熱飲櫃添
食放題梗係狂食刺身啦，呢度嘅刺身選擇都幾多，我哋叫咗三文魚，吞拿魚，帶子，赤背，甜蝦，赤蝦刺身等等。全部都新鮮。
特別鍾意三文魚夠肥美，赤蝦刺身超大隻，味道鮮甜。
呢度嘅壽司卷物選擇都好多，我哋試咗炙燒三文魚同炙燒左口魚壽司。
壽司飯唔會大大嚿，左口魚魚油豐富。京蔥拖羅塔賣相唔錯，有微微黑松露味。
仲有迷你海膽小手卷同埋北海道帆立貝壽司任食，回本之選，海膽新鮮，帆立貝鮮甜，一定要encore。
熟食方面，亦都好多回本嘅選擇，吉品鮑汁花膠同殿堂級宴客醉鮑魚都係必食。花膠大大件，而且入味，骨膠原豐富。
鮑魚好爽滑，但而且有清新嘅酒香味。
蒜蓉醬烤扇貝同黃金將燒開邊蝦好惹味，扇貝大大隻哦，開邊蝦亦都好爽口，好新鮮，我哋食咗幾round。
之後我哋仲食咗好多嘢，例如燒鰻魚，羊架，比目魚西京燒，等等。食到好飽，但飲番杯嘢飲，抖抖之後點都要食返啲甜品。呢度飲品嘅選擇都好多，仲有熱飲櫃添。
呢度嘅雪糕選擇都好多，有da dolce italian gelato，低脂低糖，食多一兩杯都冇咁大罪惡感，而且口味選擇多好多，我地就試咗黑芝麻味同朱古力味。之後仲食咗韓國蜜瓜雪條同埋雪米糍再加雪糕批，明明已經好飽都食到咁多甜品，女仔真係有第二個胃。
總括而言，呢間日式放題性價比真係好高，食物賣相及味道以放題標準來講都好唔錯。
张贴
