一記 (已結業)

有一日經過荔枝角，想搵嘢食，見到有間鋪頭個招牌好得意，淨係寫住「一記」兩個字，就入去睇吓有乜食。食完發覺係一間「性價比」超高嘅餐廳！食咗一個蒸飯，鳳爪排骨飯，啲排骨好鬆，好香！而且大大碗，又可以免費加飯！＄24仲要俾兩條菜心！超抵食！跟住＄10叫咗個細份咖喱牛腩，牛腩好淋，仲有兩小件薯仔～好味～不過啲咖喱就唔係好辣～最驚喜係個「自家製牛肉球」！真係好好味！喺出面真係食唔到。＄10有五粒，全部迷你版，細細粒～見樣樣野都唔錯，叫咗個湯飲， ＄8～五指毛桃土茯苓煲豬骨～真係唔錯，唔似一般例湯～夠料，飲完唔口渴～不過鋪頭地方就細啲，人多，坐得唔算舒服～一兩個人你快食快走就啱晒～＄52食到飽，小店好嘢！