粗店燒烤 (已結業)

係旺角睇完戲就搵地方醫下個肚，今次就試試新開嘅串燒店，裝修有格調又輕鬆，最特別係每一台上面都會吊住一個紙巾，好方便又好得意。食物方面都有好多，我嗌咗羊肉串，牛肉串，雞軟骨，雞中翼，五花肉，烤大扇貝，海中蝦，烤茄子，翠玉瓜，虎皮尖椒，栗米，錫紙卜卜蜆，炸饅頭，麻辣燙小辣…羊肉串非常好食，肥瘦相間，即叫即燒，烤完外焦內嫩，肉很嫩又多汁，正！👍🏻👍🏻👍🏻烤大扇貝，非常新鮮大隻彈牙！👍🏻👍🏻炸饅頭，呢個真係必叫，我好鍾意食炸饅頭，但係我成日都好驚會炸得好油，一咬落去啲油必晒出嚟，不過呢個唔會，炸得酥酥的，炸饅頭外脆內軟，配上煉奶，絕配👍🏻👍🏻👍🏻錫紙卜卜蜆，非常足料，新鮮冇沙，非常鮮甜。😌😌