影片
更多
2017-06-13
142 浏览
端午節假期前夕，當然要找一間好的餐廳慶祝一下這難得的假期啦！ 記得同事有講過，端午所假期要好好珍惜，因為放埋呢個假，就要等到10月先會有另一個假，This is sad but True，無辦法，打工仔每日返工都係為佐放假，同埋食餐好既堵，所以今晚我就決定食餐好既，打個邊爐慶祝一下！酒鍋，我之前都試過佢地位於銅鑼灣的第一間店，有日無意中經過尖沙咀發現原來佢地有另一間分店，身為九龍人既我當然開心啦，一直想找一個機會再嘗，今次真係擇日不如撞日啦。餐廳位於尖沙咀天文台道，位置很容易找，就找audi showroom對面，睇完車，過條馬路就黎到。大約6：30到達餐廳，想不到餐廳已經有不少人，要等位，幸好餐廳門口安排了一排座位，可以比較舒適的坐著好等。最後等了約10分鐘便可以入座，lucky！餐廳內部裝潢古式古香，又帶一點現代的色彩。想不到餐廳6時許已經全場爆滿，十分旺場。枱上放有一盒紙巾，一個呼叫店員的鐘，和一個小型的垃圾桶。枱的中間有一個印有餐廳logo的電爐。火鍋的醬料選擇非常多，XO醬，麻辣醬，麻醬，乾蒜，蔥花，等等都一應俱全。打開餐牌才發現，原來餐廳新推出了 （或是只有尖沙咀店excl
酒鍋，我之前都試過佢地位於銅鑼灣的第一間店，有日無意中經過尖沙咀發現原來佢地有另一間分店，身為九龍人既我當然開心啦，一直想找一個機會再嘗，今次真係擇日不如撞日啦。
餐廳位於尖沙咀天文台道，位置很容易找，就找audi showroom對面，睇完車，過條馬路就黎到。
大約6：30到達餐廳，想不到餐廳已經有不少人，要等位，幸好餐廳門口安排了一排座位，可以比較舒適的坐著好等。
最後等了約10分鐘便可以入座，lucky！
餐廳內部裝潢古式古香，又帶一點現代的色彩。
想不到餐廳6時許已經全場爆滿，十分旺場。
枱上放有一盒紙巾，一個呼叫店員的鐘，和一個小型的垃圾桶。
枱的中間有一個印有餐廳logo的電爐。
火鍋的醬料選擇非常多，XO醬，麻辣醬，麻醬，乾蒜，蔥花，等等都一應俱全。
打開餐牌才發現，原來餐廳新推出了 （或是只有尖沙咀店exclusive？）一個套餐，一個價錢＄328，超個10款火鍋配料，非常抵食！而更重要的，係可以加錢有freeflow！
加＄40可以有紅白酒和汽水任飲，而加＄60的話，除了有紅白酒汽水任飲外，還可以飲日本清酒！ 這個價錢真的非常吸引！因為一般一班人去飲酒，沒有＄300也很難跑出門口，但這裡差不多的價錢，便可以有freeflow再加火鍋！怪不得平日餐廳也這麼full house啦！
但要注意的是，這個套餐是有特定時間限制的，只限星期一到星期四 晚上6點到晚上8點半，或每天的十點半後入座。
可惜的是，因為我唔知道餐廳有這個優惠，今日駕了車，所以不宜酒精，只好另外點了一些比較清熱氣的飲品，一杯紫貝天葵，和一杯竹庶茅根，freeflow的優惠，只好留待下次。
餐廳除了提供湯勺外，也有隔油勺，這是食火鍋很重要的工具。
小食拼盤
首先來到的是小食拼盤，包括紫蘇蝦餅，南乳烤雞翼，炭燒豬頸肉，和鬼五馬綠。
小食拼盤全部也是已經煮好的炸物，可以說是為了即將開始的火鍋來一個打底，來一個熱身，
紫蘇蝦餅做得夠薄夠脆，紫蘇葉味不算濃，卻為蝦餅帶來一點清新感；
南乳炸雞翼的炸漿做得略厚，勝在南乳味夠濃夠嗆，特別惹味；
豬頸肉燒得比較乾身，而且不夠熱，勝在有醬汁可以醺下調一下味；
而鬼五馬綠就係油炸鬼上加上濃濃的黑松露，同樣不夠熱。
四國豐味
四國豐味，其實是火鍋湯底的名字，包括四種不同的湯底，不同的口味，四川麻辣，肉骨茶，清酒花甲椰子雞，和泰式青咖喱共4款。
肉骨茶湯底極濃，裡面放有藥材，和豬骨，輕輕喝了數口，感覺勝過不少香港主打肉骨茶的星加坡餐廳，也忍不住吃了數舊豬骨。
椰子雞是4個湯底中比較清的，但配料絕不少，椰子片極多，雞肉亦都很嫩很滑。
泰式青咖哩是個人覺得最特別的，因為在其他火鍋店真係冇食過，裡面已經預先放了很多海鮮，青咖哩是接受得到的辣。
四川麻辣鍋絕對說不得笑，辣度達至中級，裡面放有大量原隻辣椒，豆卜，豬皮，麻味很重，所以我都係用佢黎食肥牛多。
蕃薯蜆
原本套餐係會跟海蝦同埋蜆既，但係因為餐廳海蝦賣哂，所以轉佐俾我，都好既，因為其實個人都唔係太鐘意火鍋食海蝦，因為我太懶，熱辣辣又要剝殼，個人唔係咁like，而呢度既蜆好新鮮，全部都成功開，不過記得唔好放落青咖哩湯底，因為會mix埋佢本身d蜆，轉得難搵。
掛架頂級美國安格斯牛頸脊
日本黑毛豬腩肉
芝士手打蝦丸
手打墨魚丸
稻庭烏冬
雖然命名為掛架牛頸脊，但係掛架欠奉，也沒關係啦，我地係黎食牛而唔係食架嘛，哈哈，牛頸脊切得好薄，輕煮5－7秒已經變色可以食用，肉味好濃，肉和脂肪既比例係7比3，食落有爽甜感，配四川麻辣湯底一流。
芝士手打蝦丸和墨魚丸就比較淋身，煮熟佐皮變得firm加了彈口感，其中芝士手打蝦丸比較好味，因為芝士味夠濃。
烏冬我就放在最後先食，配肉骨茶加一點湯好食最正，烏冬鎖好肉骨茶既湯汁，食落香帶一點甜，甘得黎烏冬夠滑。
蔬菜拼盤
打邊爐蔬菜不能缺，拼盤包了三款菜，再加南瓜，車厘茄，色澤嫩綠，食得特別放心。
酒鍋黑啤熊
黑啤熊外表吸引，食落彈彈地，有點墨汁味，帶一點墨魚丸既口感，cutie得黎味道不錯。
蒜蓉炸鮮魚皮
炸手工紫菜響鈴
魚皮係新鮮即炸既，雖然話係蒜蓉炸，但係不太食到蒜蓉味，咸度剛剛好，不用醮湯都好好味；而炸響鈴中間就釀佐紫菜，因響鈴本身夠厚，可以放湯多過5秒令佢飽吸湯既精華先食用，連埋裡面既紫菜去食，感覺更健康。
鮮蝦水餃
菠菜皮九菜餃
洋蔥豬肉蛋餃
老實說，因為火鍋既湯道味道很濃，食三款餃既感覺都差不多，而餃子既皮厚薄度做得不錯，不易散又唔係太厚，唔會令人感覺食皮多過食餡。
什菌拼盤
除了菜有拼盤，什菌同樣有，包了金菇，冬菇，脾菇，秀珍菇，和靈芝菇，每樣少少，少食多滋味，也不會過份佔據肚皮的空間。
黑椒牛筋丸
香菇貢丸
脆片芝士腸
丸類另加2款，和我最喜愛的芝士腸，同樣係每人包一粒，一次過可以試盡平時火鍋會點的菜式。
之前係銅鑼灣食過佢地既第一間店，當時已經覺得好好味，而且性價比高，因為每一款菜式都十分高質，即使在家自己買自己打邊爐都未必做到呢個效果，今次再嘗尖沙咀店竟然有套餐再加freeflow，而且價錢更平更抵！一定會推介比身邊鐘意飲，鐘意食既朋友。
张贴
