阿里郎熱狗棒 (已結業)

阿里郎熱狗棒係韓國人氣街頭小食店，係旺角開咗都一段時間喇但都依然咁多人幫襯。雖然真係好邪惡，但都忍唔住要去試試佢。作為超級芝士控，叫咗水牛芝士拉絲熱狗棒。熱狗棒係即叫即製，加上因為多人食　所以都等咗幾耐下～　熱狗棒外層係用麵包糠加上麵團同大米，炸到金黃色脆卜卜，中間再包住條香腸，然後再沾上椰子糖（超邪惡呢）醬汁係自助形式　選擇好多，有芝士醬、蜂蜜黃芥末醬、番茄醬、辣醬等等，放曬係枱比你慢慢根據個人口味加上醬汁。咬開熱狗棒，即刻食到好澎拜既水牛同車打芝士，芝士拉絲效果真係超吸引啊！整體口感都幾豐富，不過以三十幾蚊一條熱狗棒小食黎講有少少偏貴，所以都係試一次滿足一下好奇心算了哈哈。