吉祥日本料理 (已結業)

出左去黃埔買嘢，任務完成之後就係食嘢之時。行經黃埔天地見到日式居酒屋嘅午餐都好抵食，所以就入去歎個靚Lunch。餐廳以日系木色裝潢，有種舒服感覺。午餐種類選擇都好多，既有燒物、定食、串燒當然唔少得刺身同壽司餐，最後就揀左特選十二件自選壽司餐。每份午餐都會附送沙律同埋麵豉湯。我嘅十二件壽司嚟啦，我就揀咗拖羅、深海池魚、油甘魚、魴鮄、池魚、赤蝦帆、立貝、八爪魚、金線鯛、火炙左口魚邊、海膽同蔥吞拿魚腩。每件壽司都好新鮮，魚生嘅厚薄適中，幾款魚肉嘅魚身肉質紮實，而魚油香味非常豐富。另外帆立貝、赤蝦、八爪魚亦都非常鮮甜彈牙。最吸引我嘅都係海膽同蔥吞拿魚腩軍艦，入口甘香之餘材料足到仲好似成座山，真係超正呀！