影片
更多
2019-04-28
2235 浏览
去左中環接朋友放工，朋友本身係個非常識食嘅人，本身佢話帶我去中環食野，我即刻同佢講唔好，因為怕好貴。佢即刻係度笑，話唔驚，話今次帶我去嘅地方好抵食、環境好、味道又好，勁正，佢仲話如果最後真係覺得貴最多佢包底。講到咁，XD都無咩理由唔講下話。Springfields 嘅門口唔係好顯眼，夾係幾個光鮮嘅大門口中間，唔係朋友係中環返工真係未必留意到佢地，呢間法國餐廳係係地庫果度，沿住樓梯落去，見到純白色嘅磚牆、雲石桌、白色簡約GE椅子、煮食嘅地方都白色為主、檯上嘅餐具都以白色簡約為主，好鐘意呢種簡潔淨白嘅裝潢風格，要Keep 呢種裝潢一定要好花心機講究 同 要時刻注重清潔，店家咁大膽用白色做主色調，相信佢對自己同店員都非常有信心，亦令到作為食客嘅對呢間餐廳同出品都有莫名嘅信心。我地叫左1個沙律做前菜、2個主食、1個甜品同1杯野飲，埋單都係$440左右，以中環黎講，呢個價位真係幾抵食！Grain & Small roasts ($80)，比我地相象中大份好多，而且好足料豐富，有粟米、洋蔥、車里茄、大蝦、生菜、薄烤薄餅，仲要有好貴貴嘅松子仁，性價比超高！呢個沙律十分值得推薦，蝦仁先煮熟，然後再用特
Springfields 嘅門口唔係好顯眼，夾係幾個光鮮嘅大門口中間，唔係朋友係中環返工真係未必留意到佢地，呢間法國餐廳係係地庫果度，沿住樓梯落去，見到純白色嘅磚牆、雲石桌、白色簡約GE椅子、煮食嘅地方都白色為主、檯上嘅餐具都以白色簡約為主，好鐘意呢種簡潔淨白嘅裝潢風格，要Keep 呢種裝潢一定要好花心機講究 同 要時刻注重清潔，店家咁大膽用白色做主色調，相信佢對自己同店員都非常有信心，亦令到作為食客嘅對呢間餐廳同出品都有莫名嘅信心。
我地叫左1個沙律做前菜、2個主食、1個甜品同1杯野飲，埋單都係$440左右，以中環黎講，呢個價位真係幾抵食！
Grain & Small roasts ($80)，比我地相象中大份好多，而且好足料豐富，有粟米、洋蔥、車里茄、大蝦、生菜、薄烤薄餅，仲要有好貴貴嘅松子仁，性價比超高！呢個沙律十分值得推薦，蝦仁先煮熟，然後再用特製醬汁調配，蝦仁非常爽彈QQ，夠哂入味，而味道亦非常好食！沙律本身濕濕地，而個餅係乾乾地，呢個配搭對我黎講係非常特別嘅配搭，而佢個醬非常出色，令到我地非常驚喜。
Spaghetti Primavera ($86)，呢道意粉同樣都非常好食，上面有露旬，芝士、廾里茄，同有D類似青醬嘅醬汁，意粉同醬汁配合得恰到好處，而調味亦都非常剛好，有火喉得黎，非常惹味。
Risotto Saisonnier ($105)，非常Creamy的意大利飯，有D煙肉、洋蔥、芝士同埋薄荷，本身係度諗薄荷會唔會好搶風頭，令到個飯唔好食，但夾埋一齊食又意外地Match，個汁雖然好Creamy，但入口唔會話好膩，我覺得薄荷係其中一個因素，而佢個飯軟硬剛好，呢度每一道菜係我覺得好好食，真心！XD
Banana Flambee ($78)，呢道菜好有睇頭，上檯時侍應會將白蘭地倒係甜品上面，然後再點火，睇到我地眼金金，大約燒左接近1鐘左右，D火就差不多熄哂啦，俾火燒過嘅甜品有陣陣嘅酒香，入口好特別，有少少辣，但香蕉、正糕、提子、烤餅本身都係自帶甜度，而令到2種味蕾嘅衝擊係剛剛好，焦糖醬唔算特別甜，無搶左主角風頭，我同我FD都食得津津有味！
我FD果然無介紹錯，而呢度嘅服務員都非常友善同體貼，知道我地要Share黎食，我地都未開到聲都已經拎左D餐具刀叉俾我地，仲會問我地洗唔洗幫我地影相留念，咁好嘅服務態度相信係其他地方好難搵到！
张贴
