九重鮮 (已結業)

最近超為食朋友極力推介一間有蒸海鮮，又有串燒嘅食店俾我，叫我一定要去試吓，今日諗唔到食乜，決定打電去訂外賣返去自己整嚟食!約咗六點，去到剛剛包好攞得，由紅磡返沙田都好方便!呢個套餐唔錯，我地先蒸咗海鮮食，本地帶殼蠔非常有蠔味，一點都唔韌，雖然唔大隻但勝在好味；蝦就估唔到咁鮮甜，肉質彈牙，蜆就有小小沙，但肉質好滑；不過最令我地驚喜係串燒同肉類，醃得非常好味，我最鍾意係金菇芝士肥牛卷同埋泰式串燒豬梅肉，牛扒都好腍身，我個仔都食到好開心；太座就話喜愛豬頸肉串、泡菜豬肉串，其實其他幾款都唔錯，我地竟然食哂就知好味道啦!仲有一盒“咖哩牛肉飯”，食一啖忍唔住整多碗，真係飽到上心口!呢個套餐仲會送一枝紅酒，咁嘅價錢真心覺得超值!