立濱 (已結業)

呢排試咗幾間立食都好出色，又平又好食，今次試嘅呢間，係尖沙嘴新開嘅，新張期至到15號好似仲有9折㖭。我同友人都係主攻omakase，分別叫咗壽司盛10件，同刺身盛12切。壽司盛10件 $298 比起平時食完一件先上另一件，呢到可能由於係立食，師傅會勁快手，基本上同時會見到2-3件壽司，趕時間都食得。阿根廷赤蝦 肉質鮮美，口感彈牙。牛鰍魚 第一次聽呢款魚，上網搵搵資料先見到日本人會稱佢做「夏天嘅河豚」，油份較少，爽滑鮮甜 (off topic 佢細條時係公，長過40cm就會變乸，好有趣)。油甘魚 味道甘甜，面頭配上柚子，油香之上多了一份清新。深海池魚 師傅竟然將深海池魚整成卷物咁，一層深海池魚一層紫菜，口感分明。北海道海膽 海膽份量唔少，食落好濃味，又夠哂creamy。金目鯛 上面鋪住柚子啫喱呢個食法都係第一次見，比起平時就咁落柚子，口感上增添咗層次。雪花拖羅 除咗雪花肥牛外，原來拖羅都有雪花拖羅，從賣相已經睇得出油脂分佈平均，入口即溶，口中滿佈油香。火炙帶子 帶子好肥美，燒一燒更香，配上爽脆紫菜，好好食。火炙左口魚邊、火炙三文魚 兩款都用上自家秘製醬汁嚟燒，比平時就咁燒多出一份提鮮感，