影片
更多
2021-05-18
1762 浏览
性價比超高! 朗廷酒店「零房價」Staycation米芝蓮三星體驗對於我地呢種普通既打工仔，要係香港staycation住超過$1000以上，都真係需要有極大吸引力先得。今次朗廷酒店既「零房價」Staycation，顧名思義，就係預訂房間既價錢金額，可以全數用係酒店消費。我地既$1600消費額就用左係入住當晚既晚餐，係米芝蓮三星既中菜餐廳—唐閣食飯，前幾日係online book左夜晚8點半 (已經無其他時間揀，建議想食既朋友仔要早啲book位)。個陣我地都已經開始肚餓，不過都係跟番價錢去嗌野食，如果唔夠飽就打算疊埋心水再落去買宵夜。我地最後嗌左一人份量既Tasting menu($1280)，再另加餐廳好出名既唐閣寶盒飯($160)，同埋蓮蓉焗西米布甸($65)。嗌左野食之後，雖然我地係叫左一人份量既Tasting menu，餐廳都比左2份前菜我地。係新鮮炸起仲好熱既炸蝦球，同埋涼拌木耳同青瓜。 可能8點半食飯既人都唔多，上菜時間都好快，但餐廳係會等你食完一道菜先再上下一道菜。釀焗鮮蟹蓋，啖啖都係蟹肉! 海味雞煲官燕，好足料，濃稠度岩岩好黃金焗開邊龍蝦，好香蛋黃味，惟食落D蛋黃會跌哂
對於我地呢種普通既打工仔，要係香港staycation住超過$1000以上，都真係需要有極大吸引力先得。今次朗廷酒店既「零房價」Staycation，顧名思義，就係預訂房間既價錢金額，可以全數用係酒店消費。
我地既$1600消費額就用左係入住當晚既晚餐，係米芝蓮三星既中菜餐廳—唐閣食飯，前幾日係online book左夜晚8點半 (已經無其他時間揀，建議想食既朋友仔要早啲book位)。
個陣我地都已經開始肚餓，不過都係跟番價錢去嗌野食，如果唔夠飽就打算疊埋心水再落去買宵夜。我地最後嗌左一人份量既Tasting menu($1280)，再另加餐廳好出名既唐閣寶盒飯($160)，同埋蓮蓉焗西米布甸($65)。
嗌左野食之後，雖然我地係叫左一人份量既Tasting menu，餐廳都比左2份前菜我地。係新鮮炸起仲好熱既炸蝦球，同埋涼拌木耳同青瓜。
炸蝦球
62 浏览
0 赞好
0 留言
可能8點半食飯既人都唔多，上菜時間都好快，但餐廳係會等你食完一道菜先再上下一道菜。
釀焗鮮蟹蓋，啖啖都係蟹肉!
釀焗鮮蟹蓋
43 浏览
0 赞好
0 留言
釀焗鮮蟹蓋
44 浏览
0 赞好
0 留言
海味雞煲官燕，好足料，濃稠度岩岩好
海味雞煲官燕
54 浏览
0 赞好
0 留言
黃金焗開邊龍蝦，好香蛋黃味，惟食落D蛋黃會跌哂出黎
黃金焗開邊龍蝦
89 浏览
0 赞好
0 留言
燒汁茭筍日本和牛粒
燒汁茭筍日本和牛粒
95 浏览
0 赞好
0 留言
鮑汁吉濱鮮鮑炆麵
鮑汁吉濱鮮鮑炆麵
70 浏览
0 赞好
0 留言
唐閣宮保飯
唐閣宮保飯
89 浏览
0 赞好
0 留言
桂花糕 紅荳酥
桂花糕 紅荳酥
66 浏览
0 赞好
0 留言
木糠忌廉凍豆腐布甸
木糠忌廉凍豆腐布甸
90 浏览
0 赞好
0 留言
蓮蓉西米焗布甸
蓮蓉西米焗布甸
88 浏览
0 赞好
0 留言
成餐飯都好好味，而且我地嗌一人tasting menu係完全食得飽。男朋友覺得最好味既係海味雞煲官燕，好足料，好鮮味，濃度岩岩好，而我覺得最好味係釀焗鮮蟹蓋，真係啖啖蟹肉!
而最令我地驚喜既，係酒店既甜品，桂花糕同紅豆酥都好好味，紅豆酥係熱既，唔會太甜，酥皮同紅豆比例岩岩好。最最最好味既係凍豆腐木糠布甸，原本見到佢個賣相，覺得都係木糠布甸姐，對佢毫無期望，但食落超!級!好!味! Cream既甜度有豆腐凍係底中和番，豆腐凍好有豆味，食落好夾好好味! 就算自己一個食哂都唔會太膩!
餐廳既服務質素好好，侍應都好貼心，會幫手斟茶同換茶。
總共價錢加埋一係$1721.5，岩岩好用哂消費額，只需要額外再比$121.5，就食到米芝蓮三星餐廳，而房間亦都好靚好舒適好乾淨，性價比超高!! 如果再有零房價優惠，真係值得一試呀!
张贴
