德福閣

营业中

休息中

今時今日想500蚊樓下食個buffet真係選擇唔多，但好好彩又比我哋搵到間超值自助餐。國際海鮮美食自助晚餐$368/位，食物質素對得住價錢，仲坐得好舒服😌頭盤方面有魚生、長腳蟹、凍海蝦、各式沙律、壽司刺身都有。當中超推海蝦，爽口彈牙有甜味，唧小小檸檬汁食已經好鮮味。長腳蟹有海水咸味，食左幾轉。巴馬火腿蜜瓜都唔錯，蜜瓜好甜。熱食有即切燒牛肉、白汁焗蠔、葡汁焗青口、燒豬肋骨、焗海鮮、咖哩牛腩、蒸魚等等。最推薦燒牛肉，廚師會切得較薄、但你可以要求要兩塊。焗蠔同青口都好正，熱辣辣唔會唔好食。甜品方面最受歡迎一定係即焗疏乎厘～提提大家要先去拎號碼牌，出爐果陣先有得拎😋