影片
更多
2018-08-19
158 浏览
通常食自助餐，從來都冇諗過會去維景酒店食， 直至到我嘅同事有一次同我講 九龍維景酒店自助餐好抵食， 而且極多美食， 叫我一定要嚟試下所以今次就book定枱，一行四人嚟食過自助餐!而家酒店做緊優惠， 成人每位398, 呢個價錢已經好耐都冇見過咁平， 初初仲擔心會唔會唔好食， 但後來發現擔心原來係多餘!一入門口， 一個巨型嘅甜品吧檯已經呈現喺眼前， 而且甜品嘅種類絕對係多籮籮! 服務員帶我哋去坐位坐低， 座位尚算寬敞舒適， 可能因為係平日， 人算太多。 未食之前圥在場內走一走,發現真係好多野食!每一款都係我既心頭好!先黎一個特濃嘅龍蝦湯暖暖胃， 入面仲有粒粒嘅龍蝦肉， 服務員即場加熱烹煮， 並唔係求其溝粉嗰種， 龍蝦味濃郁!刺身方面勁多選擇，有油三文魚，希靈魚， 吞拿魚 ，甜蝦同埋北寄貝， 同埋一款最吸引我眼球嘅 章紅魚, 係成活生生切片咁放喺碟上， 鮮味十足， 個人最鍾意食新鮮嘅章紅魚， 呢度呢章紅魚， 食落鮮味有口感， 越咬越食到魚嘅甘甜!值得無限encore!之後服務員送上一款海膽蟹子沙律, 係限定每日有一客， 起初對呢個海膽蟹籽沙律冇任何期望， 但送上嚟之後大大改觀， 海膽係一板送
通常食自助餐，從來都冇諗過會去維景酒店食， 直至到我嘅同事有一次同我講 九龍維景酒店自助餐好抵食， 而且極多美食， 叫我一定要嚟試下
所以今次就book定枱，一行四人嚟食過自助餐!而家酒店做緊優惠， 成人每位398, 呢個價錢已經好耐都冇見過咁平， 初初仲擔心會唔會唔好食， 但後來發現擔心原來係多餘!
一入門口， 一個巨型嘅甜品吧檯已經呈現喺眼前， 而且甜品嘅種類絕對係多籮籮! 服務員帶我哋去坐位坐低， 座位尚算寬敞舒適， 可能因為係平日， 人算太多。
未食之前圥在場內走一走,發現真係好多野食!每一款都係我既心頭好!
先黎一個特濃嘅龍蝦湯暖暖胃， 入面仲有粒粒嘅龍蝦肉， 服務員即場加熱烹煮， 並唔係求其溝粉嗰種， 龍蝦味濃郁!
刺身方面勁多選擇，有油三文魚，希靈魚， 吞拿魚 ，甜蝦同埋北寄貝， 同埋一款最吸引我眼球嘅 章紅魚, 係成活生生切片咁放喺碟上， 鮮味十足， 個人最鍾意食新鮮嘅章紅魚， 呢度呢章紅魚， 食落鮮味有口感， 越咬越食到魚嘅甘甜!值得無限encore!
之後服務員送上一款海膽蟹子沙律, 係限定每日有一客， 起初對呢個海膽蟹籽沙律冇任何期望， 但送上嚟之後大大改觀， 海膽係一板送上， 雖然係迷你版海膽但係分量絕對唔講得笑， 而呢個海膽味我覺得唔錯， 非常濃味道而且木味唔算太重， 一大啖咁放落口食， 又邪惡又滿足。 真係有衝動想同佢講可唔可以來多板!
用鐵板即燒嘅虎蝦， 燒完之後熱辣辣， 虎蝦爽口 而且仲係開邊燒!
即切西冷牛扒都唔輸蝕， 有牛味又有口感， 襯埋芥辣醬就真係冇得輸!
香煎鵝肝， 廚師即場烹飪， 煎得肥美又香口， 呢度嘅鵝肝多士有質素。
冷盤海鮮，有我最愛既阿拉斯加長腳蟹， 其他例如翡翠螺同紐西蘭青口等等，份量及尺寸都唔差。 呢度既阿拉斯加長腳蟹算係非常有質素， 蟹腳就大條而且海水味濃， 入口夠鮮味又有海水鹹味
最後終於可以品嚐呢度嘅甜品 ， 甜品選擇超勁多 ，當中香芒布甸同埋榴槤奶凍最吸引! 榴槤奶凍榴槤味濃，當然其他嘅甜品亦都係經常出色!!
小朋友最愛既朱古力噴泉點少得!
燉燕窩雙皮奶， 燕窩鋪面認真 奢華， 燉雙皮奶味道溫度啱啱好唔會太甜， 最重要係一啲都唔吝嗇燕窩， 食完感覺自己啲皮膚都靚啲!
呢水果種類絕對唔少， 有我最鍾意食嘅新鮮菠蘿， 西瓜同埋蜜瓜等等!!
最後當然係雪糕時間,呢度竟然有MOVENPICK 雪糕,而且仲要任食,唔食番3,4杯點對得住自己!
张贴
