影片
更多
2018-02-23
653 浏览
來到老婆嘅生日週，生日飯由星期三一直排到第二個星期日，今晚約左老婆姐妹嘅兩公婆到呢間晚晚都爆滿嘅八鍋堂．中日火鍋專門店開餐。由於兆萬中心呢間八鍋堂．中日火鍋專門店非常多人，所以我地今日約左未到7點直接去攞位，到餐廳時仲未坐滿人，不過7點半未到就開始要等位啦。餐廳裝修簡約乾淨，我地4個人坐嘅卡位好寬敞，坐得好舒適。湯底選揀都好多，我地加錢點左四格湯底，分別揀左皮蛋芫茜湯、沙爹湯、冬瓜排骨湯同人蔘雞湯。當中我覺得冬瓜排骨湯同人蔘雞湯最足料好味，我地打邊爐前都飲左唔少先再加湯。任點的中日放題食物選擇好多，第一輪我地當然要先吃刺身，不過原來老婆姐妹同老婆一樣唔食刺身的，所以我地都冇點太多，刺身幾鮮甜，我地兩個男人好快清完一盤之後就立刻encore。壽司最好食係左口魚裙邊壽司，我地試完兩舊之後encore左半打。飲品方面除左放題常見嘅飲品之外，竟然有Somersby嘅apple cider任飲，邊打邊爐邊飲冰凍嘅apple cider，非常暢快。雖然係放題，不過串燒質素都唔錯，特別係豚肉串，外層香脆，油香味濃，老婆就最鐘意汁燒秋葵同蕃薯仔。火鍋配料除左點餐紙上面嘅選擇外，外面亦擺放左好多款蔬菜、
由於兆萬中心呢間八鍋堂．中日火鍋專門店非常多人，所以我地今日約左未到7點直接去攞位，到餐廳時仲未坐滿人，不過7點半未到就開始要等位啦。餐廳裝修簡約乾淨，我地4個人坐嘅卡位好寬敞，坐得好舒適。
湯底選揀都好多，我地加錢點左四格湯底，分別揀左皮蛋芫茜湯、沙爹湯、冬瓜排骨湯同人蔘雞湯。當中我覺得冬瓜排骨湯同人蔘雞湯最足料好味，我地打邊爐前都飲左唔少先再加湯。
任點的中日放題食物選擇好多，第一輪我地當然要先吃刺身，不過原來老婆姐妹同老婆一樣唔食刺身的，所以我地都冇點太多，刺身幾鮮甜，我地兩個男人好快清完一盤之後就立刻encore。壽司最好食係左口魚裙邊壽司，我地試完兩舊之後encore左半打。
飲品方面除左放題常見嘅飲品之外，竟然有Somersby嘅apple cider任飲，邊打邊爐邊飲冰凍嘅apple cider，非常暢快。
雖然係放題，不過串燒質素都唔錯，特別係豚肉串，外層香脆，油香味濃，老婆就最鐘意汁燒秋葵同蕃薯仔。
火鍋配料除左點餐紙上面嘅選擇外，外面亦擺放左好多款蔬菜、丸類同麵類等火鍋配料，食物質素唔錯，呢餐咁豐富，埋單都只係每人２００鬆少少，性價比好高。
张贴
