影片
更多
2017-06-22
4756 浏览
今次我地揀左既係雙併湯鍋底 - 四川麻辣 胡椒咸菜豬肚因為三心兩意既關係, 所以我都選左雙併, 唔洗諗之餘仲可以試多樣野我覺得四川個麻辣唔算好辣, 落牛同菜去食最好味而選胡椒咸菜豬肚既主要原因係因為想食清淡d同埋食佢既豬肚 由於我同朋友都係牛肉控, 所以我地仲點左有要另外加錢既安格斯極品肥牛因為佢做緊優惠價所以我地覺得其實唔算貴!! 一上到台, 哇幾大碟, 我諗3-4人食都夠食每一塊既雪花分佈幾平均, 落落個鍋大約30秒就可以食四個字 爽滑彈牙!! 我點左去麻辣個湯底個度, 辣辣地更加野味, 而且佢就算浸左落去辣鍋都好, 牛味仍在!! 好正, 我覺得如果多人食係可以一試 由於火鍋既配料係任食既, 所以我會選幾樣好味既同大家分享 自家製手打牛丸呢個真係神級牛丸, 一開始我地都唔知呢個咩黎, 但食落覺得比起街邊食到既更加厚實, 更爽口!! 牛根一開始我就已經落哂落去, 因為佢要好長時間去煮, 但係佢既質素又比我想像中好好多, 因為佢係唔會硬到成條菜莖咁硬, 反而吸收左豬肚湯既湯汁, 味道更佳, 而且口感一流 冬瓜, 蘿白最正既蘿白係冇打渣的, 因為又係一開始就放左入去, 所以佢真係吸收哂
因為三心兩意既關係, 所以我都選左雙併, 唔洗諗之餘仲可以試多樣野
我覺得四川個麻辣唔算好辣, 落牛同菜去食最好味
而選胡椒咸菜豬肚既主要原因係因為想食清淡d同埋食佢既豬肚
由於我同朋友都係牛肉控, 所以我地仲點左有要另外加錢既安格斯極品肥牛
因為佢做緊優惠價所以我地覺得其實唔算貴!!
一上到台, 哇幾大碟, 我諗3-4人食都夠食
每一塊既雪花分佈幾平均, 落落個鍋大約30秒就可以食
四個字 爽滑彈牙!! 我點左去麻辣個湯底個度, 辣辣地更加野味, 而且佢就算浸左落去辣鍋都好, 牛味仍在!! 好正, 我覺得如果多人食係可以一試
由於火鍋既配料係任食既, 所以我會選幾樣好味既同大家分享
自家製手打牛丸
呢個真係神級牛丸, 一開始我地都唔知呢個咩黎, 但食落覺得比起街邊食到既更加厚實, 更爽口!!
牛根
一開始我就已經落哂落去, 因為佢要好長時間去煮, 但係佢既質素又比我想像中好好多, 因為佢係唔會硬到成條菜莖咁硬, 反而吸收左豬肚湯既湯汁, 味道更佳, 而且口感一流
冬瓜, 蘿白
最正既蘿白係冇打渣的, 因為又係一開始就放左入去, 所以佢真係吸收哂整個鍋既精華, 唔洗點汁就已經好夠味, 有少少鮮甜既味道出左黎
自家製雲吞
勁足料既雲吞, 成大條蝦肉係入面, 我見到差不多台台都有點呢個, 皮簿料足!! 必食之選
乳酪吧
估唔到原來呢度仲會有個乳酪吧, 食完火鍋緊係要食番個甜品先至完滿, 雖然佢得原味, 但係d topping多到有幾十隻, 岩哂我地當小食食!!
张贴
