Bove (已結業)

食左個難食晒既花枝丸($18)同正常既黑椒牛丸($8)之後，又輪到我既甜品時間啦，去左食我鍾意既梳乎厘班㦸。本來諗住要朱古力或宇治抹茶味，但只剩低原味同伯爵茶味，第一次食就梗係揀原味啦。即叫即整，如果要忌廉記得落單要講明，我就唔要。攞到手自己可以加枱面上三支唔同既醬：蜜糖、焦糖、朱古力，我就加左朱古力醬。班㦸有兩大件，本身已經有甜味，食落口感軟綿綿，入面好濕潤，唔會齋食到空氣，有蛋香味，我超鍾意食，下次一定要食埋其它味。只係俾$32就食到甘高質既梳乎厘班㦸，真心推介。