影片
更多
2020-12-31
405 浏览
哩幾日嘅溫度急轉直下，當然要打邊爐暖下個身啦！今次就決定去popcorn既大將試吓佢嘅火鍋放題。❄️❄️❄️佢呢度嘅環境似足日本嘅店舖，喺餐廳門口有一個小型超市，有一啲日式食品同埋肉食俾你買返屋企自己煮。就算你唔去餐廳食嘢，都可以走入去超市嗰度行返個圈。不得不提嘅係，佢嘅日式火鍋放題真係好抵食！我哋揀咗$188嘅美國特上牛肉放題，除咗有美國特上牛肉之外，仲有五花肉、豚肩肉、特選雞腿肉，全部都可以任點。至於湯底方面，喺呢度打邊爐係每人一鍋既，我哋分別揀咗雞白湯同埋五日市豚骨湯，兩款湯底都比較清，唔會蓋過食物嘅味道。佢最近仲有推出期間限定嘅沖繩湯底，不過我哋今次就唔試啦。我哋一坐低，店員已經將我哋可以揀嘅肉食，每樣上左一啲俾我哋先，而且最得意嘅係，每隻肉類上面都會有張細細的紙，標記返佢係邊一種肉，咁樣就可以更方便我哋，知道之後要叫返咩嚟食😋好貼心聽講呢度有用機械人送餐，不過我哋當日去食嘅時候冇遇到呢個情況，有啲可惜。餐桌上面每人都有一個膠兜，係俾我哋出去出面拎火鍋食物嘅，除咗火鍋食物之外，出面仲有一啲熟食，例如鯛魚燒同埋炸雞，炸雞我就冇事啦，拎咗一件鯛魚燒試吓，味道都唔錯，裏面嘅豆沙蓉都幾多。但
❄️❄️❄️
佢呢度嘅環境似足日本嘅店舖，喺餐廳門口有一個小型超市，有一啲日式食品同埋肉食俾你買返屋企自己煮。就算你唔去餐廳食嘢，都可以走入去超市嗰度行返個圈。
不得不提嘅係，佢嘅日式火鍋放題真係好抵食！我哋揀咗$188嘅美國特上牛肉放題，除咗有美國特上牛肉之外，仲有五花肉、豚肩肉、特選雞腿肉，全部都可以任點。
至於湯底方面，喺呢度打邊爐係每人一鍋既，我哋分別揀咗雞白湯同埋五日市豚骨湯，兩款湯底都比較清，唔會蓋過食物嘅味道。佢最近仲有推出期間限定嘅沖繩湯底，不過我哋今次就唔試啦。
我哋一坐低，店員已經將我哋可以揀嘅肉食，每樣上左一啲俾我哋先，而且最得意嘅係，每隻肉類上面都會有張細細的紙，標記返佢係邊一種肉，咁樣就可以更方便我哋，知道之後要叫返咩嚟食😋好貼心
聽講呢度有用機械人送餐，不過我哋當日去食嘅時候冇遇到呢個情況，有啲可惜。
餐桌上面每人都有一個膠兜，係俾我哋出去出面拎火鍋食物嘅，除咗火鍋食物之外，出面仲有一啲熟食，例如鯛魚燒同埋炸雞，炸雞我就冇事啦，拎咗一件鯛魚燒試吓，味道都唔錯，裏面嘅豆沙蓉都幾多。
但火鍋嘅重點當然係拎返啲火鍋配料啦！呢度嘅火鍋配料選擇豐富，淨係丸類都已經有兩排俾你揀，最吸引嘅當然係年糕福袋同埋芝士丸
蔬菜嘅選擇都好豐富，有蘿蔔、金菇、韭菜、秋葵、粟米、蓮藕等等，基本上你想食咩菜，呢度都有😂
呢一度同其他火鍋店一樣，可以自己配搭醬汁，基本火鍋醬料全部都齊備
但係我最鍾意呢度嘅甜品，甜品櫃上面都有好多唔同款式嘅甜品俾大家揀，除左最基本嘅布朗尼同埋蛋糕仔，仲有和菓子等等，仲可以自己整窩夫，係上面加雪糕
而我最鍾意呢一度嘅雪糕❤️佢嘅朱古力味雪糕真係超濃郁，而且旁邊有唔同嘅配料可以選擇，我自己就加咗朱古力醬同埋好多曲奇碎（因為我一路都好想試麥當勞嘅朱古力新地溝埋曲奇麥旋風係咩味🤭），食完之後發現呢個係完美嘅配搭，鍾意食朱古力嘅都可以咁樣試吓！
呢度嘅牛肉，肉質好鮮嫩，牛味香濃，我哋都添左兩次，好食唔肥膩
而五花肉同埋雞肉都好食嘅，但係對比起牛肉就略為遜色，大家嚟到可以主攻牛肉
22 浏览
1 赞好
0 留言
總括來講，呢一餐真係食得相當滿足！
食完會返轉頭嗰種😆值得推介！
张贴
