夫妻沸片-台式麻辣火鍋 (已結業)

晚市叫左個椰子雞鍋，＄288，係你面前拆椰青肉，但d椰青水一早就用壺預先備好，湯底尚算清甜，雞就唔算好滑，而且無咩雞味，可能係冰鮮雞。個鍋除左雞，椰青肉，竹笙，香茅粒，完。其他食物一般料，一般水準，不説也罷，但個蝦丸一定要講，＄108八粒，垃圾！唔彈牙都算，粒丸係梅嘅，散嘅，而且有陣酸糗味，一啖咬落去令我懷疑人生！我懷疑佢擺得太耐，唔新鮮，所以我都唔敢俾個仔食。呢間野，裝修靚，坐得舒服，但金玉其外，敗絮其中，咁嘅價錢，其他更好的選擇多的是！