玉桃軒酒家 (康怡廣場) (已結業)

平時想食片皮鴨都要約齊三五個朋友先可以去食，但係今次真係心引起要任性一次！一於同男朋友兩個人去食片皮鴨～依間酒樓喺太古吉之島對面，平時都成日經過，見裝潢都幾高檔感覺光猛又乾淨。所以比我發現佢原來有片皮鴨之後就一直記住等機會去試下喇平日晚上都多客人，應該都係附近居民收工一家人嚟食返幾個小菜，睇嚟水準都唔錯。由於我地得兩個人，所以淨係叫咗片皮鴨同大蝦伊麵。片皮鴨佢片得好薄，同埋睇佢皮啲色燒得好靚食落好脆，好有鴨香，片皮鴨啲薄皮熱辣辣，配埋填鴨醬，青瓜同薑絲，一野擺落口好滿足，鴨肉味都有啲燒既味同濃既肉味，唔錯唔錯。大蝦伊麵有四隻大大隻既大蝦，伊麵煮得軟腍，上湯汁掛住喺啲麵度，每啖都有鮮味，大蝦爽口彈牙，兼好厚肉，有蝦鮮味，剩係食完呢碗已經飽。酒家黎講算非常唔錯，下次同屋企人可以再黎。