影片
更多
2021-11-20
2996 浏览
上次嚟創興食飯時，喺升降機入面見到馬辣台式鴛鴦火鍋價錢相當吸引，所以今日就約埋個friend嚟一齊試吓。呢個價錢可以任飲任食2小時，真係夫復何求，我個friend仲好抵死話淨係嚟飲啤酒都抵。其實我都係諗住同個friend嚟體驗吓，心諗$168任飲任食，都應該係劣食多，但嚟到真係喜出望外，食物選擇多，而且食物質素都真係唔差，全部都正常入得口之餘有啲仲充滿驚喜，款式仲要比其他火鍋店還要多。除咗打邊爐之外，仲有一系列嘅熟食供應，我覺得簡直有一般酒店自助餐咁嘅級數。呢度總共有八款湯底俾你揀，而且佢就一定係鴛鴦鍋，可以試兩種湯底唔使加錢。平時我想食麻辣但係又有啲怕辣驚自己食唔到，鴛鴦鍋又要加錢又覺得唔抵，所以都比較少食，但呢度就講明係鴛鴦鍋，所以我就分別揀咗台式麻辣鍋同埋西紅柿洋蔥海皇鍋。佢嘅麻辣配肉類唔太辣啱啱好，而蕃茄湯底就好足料夠鮮甜，食魚類同蔬菜就最適合不過！肥牛、豬、羊都有好幾款選擇，而且質素絕對唔差，當中我覺得美國prime頂級牛梅花同黑毛豬梅花肉最好食。呢度仲有海鮮俾你選擇，打邊爐我就最鍾意食蝦，一隻隻已經用竹籤串起好方便，而呢度仲有脆肉鯇同鱔片，海鮮亦都非常新鮮，真心值回票價。現
呢個價錢可以任飲任食2小時，真係夫復何求，我個friend仲好抵死話淨係嚟飲啤酒都抵。
其實我都係諗住同個friend嚟體驗吓，心諗$168任飲任食，都應該係劣食多，但嚟到真係喜出望外，食物選擇多，而且食物質素都真係唔差，全部都正常入得口之餘有啲仲充滿驚喜，款式仲要比其他火鍋店還要多。
除咗打邊爐之外，仲有一系列嘅熟食供應，我覺得簡直有一般酒店自助餐咁嘅級數。
呢度總共有八款湯底俾你揀，而且佢就一定係鴛鴦鍋，可以試兩種湯底唔使加錢。
平時我想食麻辣但係又有啲怕辣驚自己食唔到，鴛鴦鍋又要加錢又覺得唔抵，所以都比較少食，但呢度就講明係鴛鴦鍋，所以我就分別揀咗台式麻辣鍋同埋西紅柿洋蔥海皇鍋。佢嘅麻辣配肉類唔太辣啱啱好，而蕃茄湯底就好足料夠鮮甜，食魚類同蔬菜就最適合不過！
肥牛、豬、羊都有好幾款選擇，而且質素絕對唔差，當中我覺得美國prime頂級牛梅花同黑毛豬梅花肉最好食。
呢度仲有海鮮俾你選擇，打邊爐我就最鍾意食蝦，一隻隻已經用竹籤串起好方便，而呢度仲有脆肉鯇同鱔片，海鮮亦都非常新鮮，真心值回票價。
現場仲有個雪櫃放滿咗一盤盤嘅蔬菜籃，蔬菜都非常新鮮。
好多時食放題，雪糕雪條都係每人限一件，但呢度就係任食，而且仲有Asahi生啤任斟任飲，真係好抵食。
呢度埋單每人$200有找，而且食物質素一啲都唔差，難怪由我哋入場到離開，都見到外面大把捧場客喺度等位啦！
张贴
