亞當麵館 (已結業)

估唔到尖沙咀可以搵到一間性價比咁高，又咁好味嘅車仔麵！呢間麵館喺iSquare附近，地點好就腳！如果行街行到攰，可以嚟呢度食返碗地道嘅車仔麵，我哋食咁多嘢，買單都係二百零蚊，喺尖沙咀食一餐飯咁嘅價錢真係抵到爛！車仔麵佢哋嘅車仔麵係$45一碗包湯底，麵底同四款餸，真係好抵食！個人好喜歡佢哋嘅酸齋，酸酸甜甜好惹味！另外啲蘿蔔炆得好軟腍腍，好入味！本身想試吓個花菇，但係因為太好賣已經賣晒，好可惜食唔到添！下次再嚟試過～金沙脆皮牛坑腩呢個真係好有驚喜！金沙脆皮係鹹蛋黃醬炒出嚟嘅，牛坑腩亦都好軟腍腍，外脆內軟超級惹味！滷水拼盤呢個滷水拼盤食物嘅種類繁多，滷水汁都調教得好好，每一樣食材都好入味！個人最喜歡豬耳同埋雞腎！值得一提嘅係佢哋嘅蛋都係用靚嘅日本蘭皇蛋，所以個蛋黃係金黃色嘅留心，高質！