牛牛日式火鍋放題 (海之戀商場)

营业中

休息中

小妹好耐冇带过屋企人去食火锅放题，记得上次食还念念不忘，今次带埋屋企人嚟食。地点位于荃湾西海之恋商场，餐厅位置喺西铁站上盖，非常方便。餐厅比较特别，汤底系一人一锅，大家可以就住唔同口味试唔同的汤底。我同屋企人都好钟意食牛，所以选择了性价比最高的澳洲和牛level 3放题，平时好多火锅放题都系限时90分钟，呢间平日星期一至四仲要无限时，十分有惊喜。餐厅旁边有个打卡位，可以租借和服系个场景打卡，十分有趣。出面分别有不同的炸物，蔬菜，丸类同不同牌子嘅面食，冻食同雪糕可以去拎。饮品方面都有好多唔同牌子，净系啤酒都有三款可以选择，还有清酒，白酒，红酒。钟意饮酒嘅你，一定唔可以错过。肉类可以用QR code 落单，净系肉类已经超多十几款有不同既牛肉和豚肉都可以选择，呢个餐主要食澳洲和牛，澳洲安格斯，极上牛舌。所有肉类肉质都非常好，好有肉香，口感不错。还有其他海鲜，例如，虾，扇贝，青口，蚬等等。还有一些特色炸物可以落单，特别是明太子沙律炸虾，非常新鲜。总结，试过好多不同火锅放题，呢间餐厅性价比最高，所有食物新鲜，一定唔会失望，屋企人都非常满意。