泰祥龍

繼續支持小店
呢間好特別，一個舖位入面分成幾檔各有特式既小食檔，實在好多選擇，逐檔試晒都要幾日...
今日食左泰祥龍先，多霸氣的名字
去到已經幾個人圍住等外賣，應該都附近返工/住既街坊
招牌菜係泰式雞飯，跟雞湯或者冬陰公
個雞嫩到不得了，冇一舊係唔滑！
本身跟既飯已經係黃油飯，不用加錢
飯香到一個點，飯粒粒金黃色，逐粒逐粒唔會痴埋一舊林badbad😲😲 正
以為跟餐既湯都唔方有好野，有驚喜！
好濃郁既雞湯呀🐔🐔🐔🐔🐔
因為舖內得少量位堂食
食幾啖飯就行返去繼續落單，要試埋其他野！
泰式豬頸肉+香茅雞翼+燒牛肉
正式🐷🐮🐔三寶齊全
🐷爽甜多汁，熱辣辣食實在太幸福了
🐮唔鞋，好香好入味
🐔雞翼炸得好脆，但入面又唔會乾，好入味好juicy
一定要再encore 泰祥龍！
附近返工一族新寵兒🤤🤤🤤🤤