影片
更多
2022-07-29
148 浏览
#ftf_荃灣性價比極高 惹味麻辣雞煲套餐A 精選美國雪花肥牛 $208 ⭐️⭐️⭐️⭐️⭐️雞煲未黎之前，可以叫定啲小食食住先，極力推薦台灣腸、芋頭波、芝士煙肉薯波，芋頭波同薯波中間係有餡，美味可口！麻辣雞煲湯底今次叫咗小辣，但個人嚟講覺得可以再辣啲(辣到參考：平時譚仔食小辣至五小辣)，但整體味道十分濃郁惹味，麻香味重，雞肉都好入味，而且肉質鮮嫩，好滑！食晒雞煲之後，加完湯就可以打邊爐，$208嘅火鍋配料都十分豐富多元化，特級肥牛油脂分布已經好靚，肉質好嫩口，牛香味濃重！另外強烈推薦大家食牛腩、豬大腸、豬肚，呢三種配料本身已經用滷水醃過，十分入味，而且牛腩軟淋，真係有驚喜！所有食材都好新鮮，豬膶、鵝腸、脆肉鯇、牛柏葉更加處理得好乾淨，脆肉鯇夠厚身，好爽脆！加分！另外海鮮仲有蝦、聖子、魷魚，全部都好鮮甜美味！所以性價比真係極高！飲品方便都好多選擇，今次我同朋友就揀咗自家製嘅冬瓜茶、桂花烏龍，冬瓜茶甜到啱啱好，唔會太甜，烏龍茶就冇乜甜味，解膩一流！打完邊路，抹茶同乳酪雪糕一定要食！好味到我同朋友每人每隻味食咗一杯，今次真係fat fat…但真係好味到令我完全將脂肪同卡路里嘅包袱拋棄！整體環境寬闊，
性價比極高 惹味麻辣雞煲
套餐A 精選美國雪花肥牛 $208
⭐️⭐️⭐️⭐️⭐️
雞煲未黎之前，可以叫定啲小食食住先，極力推薦台灣腸、芋頭波、芝士煙肉薯波，芋頭波同薯波中間係有餡，美味可口！
麻辣雞煲湯底今次叫咗小辣，但個人嚟講覺得可以再辣啲(辣到參考：平時譚仔食小辣至五小辣)，但整體味道十分濃郁惹味，麻香味重，雞肉都好入味，而且肉質鮮嫩，好滑！
食晒雞煲之後，加完湯就可以打邊爐，$208嘅火鍋配料都十分豐富多元化，特級肥牛油脂分布已經好靚，肉質好嫩口，牛香味濃重！另外強烈推薦大家食牛腩、豬大腸、豬肚，呢三種配料本身已經用滷水醃過，十分入味，而且牛腩軟淋，真係有驚喜！所有食材都好新鮮，豬膶、鵝腸、脆肉鯇、牛柏葉更加處理得好乾淨，脆肉鯇夠厚身，好爽脆！加分！另外海鮮仲有蝦、聖子、魷魚，全部都好鮮甜美味！所以性價比真係極高！
飲品方便都好多選擇，今次我同朋友就揀咗自家製嘅冬瓜茶、桂花烏龍，冬瓜茶甜到啱啱好，唔會太甜，烏龍茶就冇乜甜味，解膩一流！
打完邊路，抹茶同乳酪雪糕一定要食！好味到我同朋友每人每隻味食咗一杯，今次真係fat fat…但真係好味到令我完全將脂肪同卡路里嘅包袱拋棄！
整體環境寬闊，坐得舒服，通風系統都好好，冷氣夠強勁，一啲都唔會侷促！
*另收加一
回頭率🤡🤡🤡🤡🤡
（已經係我第二次食）
性價比🤰🏻🤰🏻🤰🏻🤰🏻🤰🏻
（食完真係十月懷胎咁款）
#feedtiffood #吃吧孩子 #吃到懷孕
张贴
