光榮冰室 (兆和街) (已結業)

原本諗住食金記,但係話十一點開門,等到15分都未有反應於是轉場去榮光,呢到食早餐仍然係三十幾蚊,真係好平。可惜我遲咗五分鐘先有位,冇早餐叫,要畀多十蚊叫特餐,點咗沙嗲牛肉麵+奄列+奶油多(加一蚊好似好抵)奄列個面呈現暗黑色,應該落唔夠油,火唔夠猛,好彩切開後仍有蛋汁,不錯。個奶油多原來只係唧一啲煉奶上去個牛油白麵包到,D煉奶重要射到塊奄列,不過加一蚊only,算吧。沙爹牛肉麵,算係中上,多牛而且直用出前一丁。野飲叫茶走,茶味極濃,遲上,可能啱啱撞起D茶,完全贏晒其他茶記,埋單46蚊,難怪咁多人排隊。