Boire et Manger (已結業)

因為食生日飯，同5個朋友叫左好多菜色，最後每人都係二百幾，仲有本地啤酒飲！係香港好少食法國菜，一來唔興，二來可能唔太岩香港人口味，其次係普遍法國菜份量比較少，所謂貴夾唔飽。但係呢一間法國菜就無依d問題，每個菜色都份量十足，而且味道出眾，我諗返起都流口水。因為無影菜單，已經唔記得d菜名，最深刻就係個牛扒，煮得岩岩好，唔太嫩唔太老，仲好大塊！個味道亦令人深刻，非常入味，再加埋個牛油調味，真係好想再去食多次！另外個牛油法包好脆，味道有少少咸咸地好開胃做starter一流。另外個雞扒都好正，表面煎到香脆，肉質嫩滑口感一流，配埋個啤酒真係好爽！一路打字一路諗起都好肚餓呀，我去食野先！