大勝丼 (已結業)

近年香港興起食魚生飯，最近有發現旺角有一間新開嘅丼飯店，而且午餐時段仲全單有七五折，我呢個魚生控當然要試吓啦！lunch hour跟餐會有前菜沙律，面豉湯。同埋一罐罐裝飲品，除左一般汽水之外，都有其他選擇。主食方面，朋友要咗個三文魚帆立貝丼飯。材料份量十足，三文魚勁厚勁肥美，而帶子亦都好大隻，味道亦好鮮甜。加上一粒粒晶瑩剔透既三文魚子，脆卜卜又鮮，完全唔腥。而我就要左個火灸刺身丼，入面嘅材料更加豐富，包括三文魚，吞拿魚腩，帆立貝，蟹棒，仲有大量蟹子。同樣係十分新鮮而且又厚既刺身輕輕經火燒過表面更香。而且值得一讚嘅係呢度嘅珍珠米飯加左飯素，再mix埋蛋黃醬真係不得了。最後仲有雪糕糯米糍做甜品。以後嚟旺角又多一間日本野選擇了！