滿屋日本料理 (大鴻輝(荃灣)中心) (已結業)

荃灣大輝鴻超多野食大家都知，其中係10樓嘅滿屋放題就係長期人多質素高嘅保證！ 入到去見到間格都好正常，唔會太擠逼，私人度亦都夠高！值得一提係滿屋有圓枱，非常適合一大班朋友黎食呀！落單用嘅點心紙有哂圖片，同實物相似度達9成，唔擔心中伏，睇啱先叫！👍🏻👍🏻一黎梗係食咗刺身先！款式都唔少，基本上三文魚、甜蝦、帶子都唔少得！質素以呢個價位黎講非常ok! 😋 我地食得唔多所以嗌嘅份量都唔夠俾佢擺靚個盤，但見其他枱嘅刺身盤絕對係打卡able! 壽司方便都幾抵讚！全部滴惜迷你，唔會一舊就飽到你食唔落其他野！而且款式都好有誠意，例如海膽帶子、海膽吞拿魚蓉等等🤩 都值得一試㗎！最最最欣賞係熟食！ 師傅手勢一流！ 串燒全部都係勁高質勁好食！ 推介燒牛舌！燒得啱啱好，又juicy 又有香味！肉質亦夠爽，好味到我會俾$50食2串！而呢到係任食！🤩🤩🤩🤩芝麻雞翼又係歸功師傅～外面香脆裡面多汁嫩滑！食到停唔到口😋😋平日每位都只係248 抵到爆！