彤 (已結業)

呢間日式料理店裝修優雅時尚，而且面積超大，一入門口嘅左手邊就以廚師發辦為主既。其實呢間餐廳同老公之前都嚟過一次，今日因為結婚周年紀念所以老公再同我過嚟一齊食飯餐好♥️北海道產厚岸真蠔坐低冇幾耐師傅就好快安排咗第一道菜俾我哋，北海道厚岸真蠔，成隻蠔非常飽滿，唔需要再配其他醬汁，就咁食落去已經好鮮甜好好味😂不過師傅另外都有菜加咗日本刺身水母，口感非常特別，原來同蠔做埋一個配搭都幾夾👍🏻鰆魚師傅仲安排咗鰆魚俾我哋品嚐，魚身經過左煙燻烹調，食落好似仲有少少稻草嘅味道！真係幾特別喎熊海老壽司最後就食咗呢個海老壽司，件海老超級好食，蝦昧好濃，絕對係推介！如果大家有興趣快啲過嚟試吓啦！