營豐海南雞專門店 (已結業)

今日去西灣河搵朋友打牌，佢建議我哋喺度買外賣上去食，因為佢話性價比極高！基本上都50蚊有找！叫咗泰式豬頸肉飯，跟例湯，再加5隻雞翼！真心覺得豬頸肉份量唔少！食落爽口，好好食湯都幾大碗，飲得出係老火湯唔係味精湯飯都好多，男仔一定夠食！雞翼都好好食啊 又大隻又多肉，仲好鮮嫩！咁大個外賣仲咁豐富，食完有力打牌啦！ 下次會試埋佢個海南雞，其實門面睇落唔錯，係咁啱今日想食豬頸肉。唯一無奈係無堂食，但如果拎返屋企/公司食就好抵食，大件夾抵食！