GOGO Rock (已結業)

心血來潮突然之間好想食生蠔，於是就周圍行吓搵吓睇吓有咩好推介，最後比我發現咗呢一度新開左一間西餐廳，主打仲有唔同國家嘅生蠔推介！一入到去當然唔少得要做咗生蠔先啦，呢一度嘅生蠔性價比好高，價錢適中！而且店員仲會問吓想要乜嘢口感同埋味道，非常貼心！另外我哋就叫咗一份二人餐，其中好鍾意佢哋嘅香煎鵝肝配牛柳！鵝肝同埋牛柳都係我好鍾意食嘅款式！鵝肝好大塊，而且煎得好香，配合埋牛柳一齊食真係好爽！男朋友就叫咗呢一份軟殼蟹海膽意大利粉🤩呢一個軟殼蟹嘅意大利粉亦都係好高質，玄學蟹大大隻，而且炸得金黃鬆脆！最後配上紅酒白酒🤩就係一個非常之完美嘅晚餐啦！