點心到 (廟街)

营业中

休息中

呢度嘅侍應姐姐哥哥 服務態度好好， 好有禮貌。 呢度係得一種茶， 普洱， 但飲落去質素唔差。呢度嘅蝦餃同燒賣可以叫半份， 適合兩個人食飯撐枱腳嘅人， 兩粒蝦餃兩粒燒賣方便啲又唔使咁貴。 我嘅推介嗰個 蒸籠荷葉牛肉蛋飯， 飯嘅份量唔多， 唔使驚太飽肚， 牛肉有陣陣嘅葉香， 加埋甜豉油好食。跟住有個 金沙脆皮銀蘿腸， 佢響腸粉嘅表皮之下， 包住啲香炸嘅脆絲， 但最裏面嗰層就係白蘿蔔絲， 中和咗嗰層炸脆啲嘅油膩， 濕濕地涼涼地， 彈炸脆呢個一層就係熱辣辣同埋脆卜卜， 總之就係三種質感， 真係好好食！最後我哋追加咗一個黑金流沙包， 費事佢嚟得太早會凍。 今次我哋好好彩， 個包係完全熱辣辣香鮮出爐， 入面個奶黃係好新鮮同埋真係液體， 亦都唔會話太甜！ 個賣相亦都好高貴， 我哋都覺得好神奇， 點樣可以整到個包咁黑😂😂😂 相比之下嗰啲金色好靚，好突出！