醉辣鮮 (新田購物城) (已搬遷) 新店位置

今日住喺天水圍嘅朋友，約我去元朗食海鮮蒸氣鍋。佢話性價比好高，所以雖然遠啲都值得去試吓。我哋兩個揀咗每人有半隻龍蝦嘅海鮮餐，坐低左有老火湯飲，又有溫泉蛋食，唔使餓住等蒸雞，真係好貼心。跟返佢哋嘅蒸嘢食時間表，啲雞蒸出嚟好滑好鮮味，幾好！但係食得蒸海鮮，最重要都係啲海鮮質素，咁多款海鮮我最鍾意嘅係龍蝦，蒸出嚟肉質好彈牙又夠鮮味，食完會想再食多隻！另外蒸蟹同埋聖子都係特別出色，好甜好多汁，啲蟹又好有肉，好正！最後食唔晒個粥仲打包返去添，啲粥有晒鮮甜海鮮味，下次會記住留肚食！