嵐橋丼飯專門店 (已結業)

咁岩去開尖沙咀想食日本野，掃一掃open rice見呢間冇負評就走去試下，去到門口見到勁多人👀落大雨都見有排等，令我地更好奇有咩咁值得等等咗9個字左右終於入座，店舖細細open kitchen裝潢，侍應唔係地道日本人港式既服務質素，不過我覺得食物質素先係最重要😂餐牌選擇花多眼亂，樣樣都好吸引😖大致有丼同小食，價格算合理偏高，最尾肚餓每人各1個丼，分別係極上海之幸丼，赤鯥丼，貪佢樣樣刺身都食到～未上飯前先奉上麵豉湯暖胃，飯落清清地冇咩特別。約5-10分鐘左右，主角來架✨唔使多講睇相就知道刺身有幾新鮮，色澤鮮艷，刺身既份量都幾多差唔多既價錢，你可以㨂食cheap cheap放題，但人大咗唔再追求份量，我寧願食好d要高質同檔次，呢間既刺身只有一個字-「鮮」！鮮到你食6、7百蚊一位既酒店自助餐都比唔上佢。口感有漿口既赤蝦，要魚油香既有拖羅，要鮮甜既有海膽，連山葵都係生磨唔會嗆喉！食唔新鮮既刺身除咗成口腥臭，仲攞自己個肚仔來搏，出去食飯都係求開心，我自己覺得，呢間既價錢同質素已經向九龍區贏哂！