阿爸鮮食 (已結業)

去完旅行返嚟，出地鐵買嘢食，發現呢間特色外賣店，睇餐牌似係車仔麵，食材卻好有特色。牛魔王套餐我揀咗蕃茄濃骨湯和紫薯粉絲，材料有肥牛、黑椒牛丸和金錢肚，好豐盛！紅色嘅湯汁非常濃稠，入口滑順濃郁，帶有酸甜味道，配搭紫色粉絲，讓人眼前一亮，賣相好靚！◎懷舊套餐材料炆得又淋又入味👍🏻有陳皮魚蛋、豬腸和日本蘿蔔，魚蛋彈牙有嚼勁，豬腸入口滿滿膠原，好juicy，配搭鮮濃骨湯，味道鮮美。飲品方面配咗蜜桃烏龍茶，袋裝好特別，味道清新，今日冰粉賣晒，下次一定要試下！