影片
更多
2019-05-15
996 浏览
前陣子駕車經過荃灣，眼見呢間新開嘅食肆已經想試，但可惜一D個人原因而遲遲都未有去幫襯，到上星期六終於都有機會同屋企人來試下。當日大約七點半左右到達，一家四口一入去就覺得……點解間鋪好似怪怪地，心想不是食拉麵的嗎?及後一個伙計(一位疑似老板的大叔)向我解釋，原來剛剛轉了排頭，唔做拉麵做燒烤，因為當時鋪內好似都唔係好多人，心想會否中伏，所以當刻我同太后都想打退堂鼓。可能大叔見狀就同我地講，不如入去睇下D野啱唔啱食先再決定；眼見大叔咁熱情就入去睇睇，原來裡面已經坐滿枱，只係入門口果三張係吉枱，跟住再睇下個食物櫃，見到種類其實都唔少又好似都幾新鮮，咁所以最終都坐低試下啦！坐低無耐，店員就同我地講解收費、用餐時間、同埋點燒(其實每枱都有一張燒烤指引)……跟住就拎左個海鮮拼盤出黎(心想兩舊幾一個人，仲有Seafood食都幾抵，及後先至發現原來係要滿四位先送)，眼見個拼盤D海鮮都好豐富，有龍蝦、鮑魚、大扇貝、蚌、馬友，樣樣都好新鮮；最特別係拼盤果幾粒牛丸，原來同鋪頭凍櫃任拎果D係唔同ge，店員話係和牛丸，所以特別爆汁，可惜係一人得一粒；另外凍櫃類面其他肉類燒出黎都唔錯，個人覺得最正就係”燒雞翼”，由
當日大約七點半左右到達，一家四口一入去就覺得……點解間鋪好似怪怪地，心想不是食拉麵的嗎?及後一個伙計(一位疑似老板的大叔)向我解釋，原來剛剛轉了排頭，唔做拉麵做燒烤，因為當時鋪內好似都唔係好多人，心想會否中伏，所以當刻我同太后都想打退堂鼓。可能大叔見狀就同我地講，不如入去睇下D野啱唔啱食先再決定；眼見大叔咁熱情就入去睇睇，原來裡面已經坐滿枱，只係入門口果三張係吉枱，跟住再睇下個食物櫃，見到種類其實都唔少又好似都幾新鮮，咁所以最終都坐低試下啦！
坐低無耐，店員就同我地講解收費、用餐時間、同埋點燒(其實每枱都有一張燒烤指引)……跟住就拎左個海鮮拼盤出黎(心想兩舊幾一個人，仲有Seafood食都幾抵，及後先至發現原來係要滿四位先送)，眼見個拼盤D海鮮都好豐富，有龍蝦、鮑魚、大扇貝、蚌、馬友，樣樣都好新鮮；最特別係拼盤果幾粒牛丸，原來同鋪頭凍櫃任拎果D係唔同ge，店員話係和牛丸，所以特別爆汁，可惜係一人得一粒；另外凍櫃類面其他肉類燒出黎都唔錯，個人覺得最正就係”燒雞翼”，由細到大都覺得BBQ燒雞翼好麻煩，又要反黎反去，又怕唔熟，火大得濟又會乾身；但係今次就唔同，可能佢係用熱管黎烤熟無明火(我估係類似光決爐原理)，所以D肉就算烤幾耐都好，都仍然可以保住D肉汁，做到連雞翼都有爆汁ge效果，再加埋醃雞翼果個味道令到我都食左七八隻。再加埋佢任飲飲料，其實唔駛兩個鐘都已經飽九成了，最後食埋甜品(有飲食雪糕糯米糍，同埋期間限定一人一杯”哈根大師”)，真係捧住個肚走。
總結呢間燒烤食屋絕對可以再幫襯，因為坐落都唔會話好迫，食完又唔會成身味；肉ge種類都幾多，夠人頭又有海鮮送，重有汽水、啤酒、清酒、梅酒、果汁任飲，二百幾蚊一位都真係好抵；略嫌不足係兩個鐘就齋食就無問題，如果成班朋友黎諗住吹下水就唔係好夠時間，個人認為如果可以加多少少錢坐耐D其實都ok。
张贴