奧壽司

今日落足全日雨，冇咩活動可以做，一於去遠啲遊吓車河，去數碼港食吓嘢先。 呢間奧壽司開咗好多年，應該唔會伏。

入到去樓底高，感覺空間感充足，座位舒適。

牛三品樣燒烤套餐 $178: 牛舌爽口彈牙，牛肩脊同牛胸腩牛味濃。燒蔬菜亦都好香甜。燒烤套餐已包括味噌湯，蕃茄沙律同埋漬物。我覺得幾抵食。

另外我哋叫咗特上刺身盛合$680同埋特上壽司盛合$280。個壽司盛合如果一個人食都好夠飽。至於刺身盛合，有成15款咁多，真係好豐富。呢個價錢食到咁多款，性價比都幾高。所有刺身壽司都大大件，新鮮肥美，冇投訴啦。