古早台居

平日係九龍灣約左朋友食個lunch, 唔知食咩好就行左去德福二期嘅foodeli，入面有唔同國家菜式嘅餐廳，睇見好多人都食緊呢間台灣野就試下佢啦。

睇過佢個menu性價比都唔錯，有各款湯麵、拌麵、飯等。最後選左鹽酥雞配湯麵（台灣麵）$49，跟麵可半價配飲品, 選左珍珠奶茶(+$14) 再 配多款小食甜不辣(+$9)。

台灣麵係粗扁麵，唔會煮得太稔幾好，湯底夠味。
鹽酥雞夠熱肉質嫰唔鞋，份量亦好足。
甜不辣都煙韌不過食落就有點粉。
珍珠奶茶 雖然無咩茶味但珍珠幾好咬。