影片
更多
2021-01-27
689 浏览
我睇開既👩⚕️中醫診所係呢度附近, 唸住今日放工後過去配藥順便到附近餐廳買外賣做晚餐。係OPENRICE睇到呢間零負評既外賣店, 唸住望下佢地既MENU揀定食咩, 發現佢地既MENU應該每日都有少少唔同, 所以就再上社交平台睇下有冇得MESSAGE佢地攞今日既MENU, 見到有個WHATSAPP button可以直接對話, 然後店員同我講 WHATSAPP 頭像就係佢地既是日MENU, 都幾有趣。佢地覆WHATSAPP 好快。不過唔知係咁啱係咁定佢地不嬲都係咁, 出餐速度有點慢。我地早15分鐘點餐(亦都有同店員講大約15分鐘到), 但去到都要等多10分鐘。下次再幫襯要問清楚佢地食物幾耐READY。我地點左🍛咖哩唐揚雞丼, 蒲燒鰻魚丼, 芋泥波波同椒鹽炸燒賣。蒲燒鰻魚丼 - $68, 鰻魚厚肉, 燒汁香甜 , 如果對鰻魚有多少少要求既客人, 可能會覺得魚肉唔夠嫩滑, 但我覺得呢個價錢呢個份量呢個質素, 學生們必定大愛。個人希望廚師可以落多少少蒲燒汁。椒鹽炸燒賣 - 買過幾間既椒鹽炸燒賣做外賣, 但佢地有個相同既問題就係拎到返屋企食, 層皮就變硬左。不過內層既魚肉燒賣依然煙韌軟糯, 無腥味
不過唔知係咁啱係咁定佢地不嬲都係咁, 出餐速度有點慢。我地早15分鐘點餐(亦都有同店員講大約15分鐘到), 但去到都要等多10分鐘。下次再幫襯要問清楚佢地食物幾耐READY。
我地點左🍛咖哩唐揚雞丼, 蒲燒鰻魚丼, 芋泥波波同椒鹽炸燒賣。
蒲燒鰻魚丼 - $68, 鰻魚厚肉, 燒汁香甜 , 如果對鰻魚有多少少要求既客人, 可能會覺得魚肉唔夠嫩滑, 但我覺得呢個價錢呢個份量呢個質素, 學生們必定大愛。個人希望廚師可以落多少少蒲燒汁。
椒鹽炸燒賣 - 買過幾間既椒鹽炸燒賣做外賣, 但佢地有個相同既問題就係拎到返屋企食, 層皮就變硬左。不過內層既魚肉燒賣依然煙韌軟糯, 無腥味。
咖哩唐揚雞丼 - 老公高度讚揚炸雞好味, 啖啖肉又入味。
芋泥波波 - 推介必點。香港好少見有賣, 印象中係日式放題店食過但唔好食, 層皮又厚又硬又乾。身為芋頭迷既我當然屢敗屢戰, 今次好滿意呀。外面的一層薄薄的麵粉皮配上鬆軟微甜既芋泥, 拎返屋企叮熱黎食都依然酥脆, 係我近期食過最愛的甜品。基本上每日都會食飯後甜品既我, $20 一個飯後甜品仲要咁好味, 係今時今日既香港已經好難遇到。
张贴
