明珠閣 (已結業)

午巿去到兩點半，見幾有人氣，環境幾舒服，侍應幾有禮貌，就坐低試吓。兩個人嗌左一個擔擔麵，一個香蔥雞絲湯河。份量少但貴，午巿58蚊一個麵，但係下午茶餐份量。飲品都冇得揀，得普通茶水。食物賣相與相片有嚴重出入，相中雞絲一堆變三條。雞絲湯河湯底尚可，底層河粉好碎。擔擔面光速索水，5分鐘之內湯淨返半碗都冇。食完唔知自己食咗乜嘢，冇飽足感。廚房有一邊有玻璃，見着入邊有人食煙。價錢唔係俾唔起，但真心唔值得，食到嬲。可能主打係點心，但都唔會再嚟試。