官塘友清湯腩雲吞麵

营业中

休息中

之前路經觀塘廣場，發現左呢間官塘友清湯腩雲吞麵 。曾經試過佢既咖哩牛腩飯，所以今次想試試佢既清湯腩係咪同樣咁出色，今次點菜點得好豐富。牛腩雲吞豬潤蘿蔔米線湯底清甜，食完唔會感到油膩口渴。米線上面灑上比較多蔥花，正。招牌牛腩一如以往咁冧身出色，完全唔會感到肉質好乾好柴。招牌雲吞爽脆，味道屬中上。豬潤非常大件厚身，食落爽脆可口，再點少少辣椒油，好好食。蘿蔔清甜，食落唔會有渣。整碗米線份量足料，賣相唔錯，價錢相宜，地點鄰近地鐵站，實屬性價比之選。