影片
更多
2021-09-17
41 浏览
今次試左我公司樓下新開既台式餐廳，環境幾舒服，木製傢具環境好舒服，餐廳CP值都相當高。因為佢既小食太吸引，所以我地就叫到成枱都係小食😂. ♦ 麻辣肉燥乾拌麵⋆ $73冇諗過佢好似日式套餐咁，有4-5碟小菜同一盆上菜，仲要有埋飯後生果！麵既份量好足夠，麵身煮得偏淋，同埋麻辣唔算重口味既辣，岩哂我既口味，加埋有咁多小菜伴碟先70幾蚊，個人覺得係cp值之選。.♦ 起司肉鬆蛋餅⋆ $26雖然價錢比較抵食，但冇乜驚喜。蛋皮煎得唔算香口，肉鬆係蛋餅裹面既份量都唔算好滿，味道中規中矩。♦ 菠菜起司一口薯餅⋆ $ 22雖然唔知點解台式餐廳會有呢樣野，但呢樣炸物係我同朋友都覺得好食既，芝士味好足，會令人好想食完一舊接一舊。♦ 夜市小香腸⋆ $ 15煎得好香口！真係似係台灣掃街會食到既味道！正！. ♦ 九層塔鹽酥雞球⋆ $ 28表皮比較乾，成個雞球食落有點點硬，唔太推薦比大家。. ♦ 水蜜桃果粒愛玉⋆ $ 35一入到黎就見到格離枱嗌左呢杯，特登問店員呢杯係咩黎，好大杯，個杯又靚，好岩打卡用呀～味道都幾清新。
今次試左我公司樓下新開既台式餐廳，環境幾舒服，木製傢具環境好舒服，餐廳CP值都相當高。因為佢既小食太吸引，所以我地就叫到成枱都係小食😂.
♦ 麻辣肉燥乾拌麵⋆ $73
冇諗過佢好似日式套餐咁，有4-5碟小菜同一盆上菜，仲要有埋飯後生果！麵既份量好足夠，麵身煮得偏淋，同埋麻辣唔算重口味既辣，岩哂我既口味，加埋有咁多小菜伴碟先70幾蚊，個人覺得係cp值之選。
.
♦ 起司肉鬆蛋餅⋆ $26
雖然價錢比較抵食，但冇乜驚喜。蛋皮煎得唔算香口，肉鬆係蛋餅裹面既份量都唔算好滿，味道中規中矩。
♦ 菠菜起司一口薯餅⋆ $ 22
雖然唔知點解台式餐廳會有呢樣野，但呢樣炸物係我同朋友都覺得好食既，芝士味好足，會令人好想食完一舊接一舊。
♦ 夜市小香腸⋆ $ 15
煎得好香口！真係似係台灣掃街會食到既味道！正！
.
♦ 九層塔鹽酥雞球⋆ $ 28
表皮比較乾，成個雞球食落有點點硬，唔太推薦比大家。
.
♦ 水蜜桃果粒愛玉⋆ $ 35
一入到黎就見到格離枱嗌左呢杯，特登問店員呢杯係咩黎，好大杯，個杯又靚，好岩打卡用呀～味道都幾清新。
张贴
