串Grill 自助燒烤專門店 (譽發廣場) (已結業)

[ 串Grill 自助燒烤專門店 ]店舖最大賣點喺可以輕輕鬆鬆燒烤，你只需要得閒望下d串燒，差唔多熟就食得喇🤣絕對喺懶人之選🤭✿ 120分鐘任飲任食 (15:00前入座)星期六日及公眾假期: 大人$198/位,小童$108/位牛肉類🥩美國牛肋腩油花適中，肉質鮮嫩多汁，好適合燒烤；牛舌爽口多汁又帶油脂香，再加埋店舖特製嘅醬汁，美味可口。豬肉類🐷荷蘭豬五花油脂較多，口感軟嫩，好適合燒烤食，燒烤後加少少鹽已經好好味👍🏻；豬大腸乾淨，冇異味，烤起來特別香。雞肉類🐔燒烤點少得燒雞，最喜歡燒雞皮😍含有豐富膠原蛋白，加少少孜然粉，食完一串又一串；雞翼係適合任何場合，燒完除左有煙熏味，又香脆；雞腎非常爽脆；雞軟骨脆咯咯又香口，呢個都係燒烤之中必叫嘅😛蔬菜類🥦🥬🥒食完咁多肉肉食吓蔬菜先，種類大概有五至六樣，例如冬菇、翠玉瓜、雞脾等，蔬菜都比較新鮮。總結🫦真係係不費吹灰之力既燒烤😝，岩哂我呢啲懶人又鐘意食燒烤嘅人。自助形式，款式種類多到食唔哂。另外有齊哂各種調味料，e.g.辣粉，孜然粉等等，本人覺得淨係落燒汁都好夠味。最貼心喺每款食物都有燒烤時間建議👍🏻✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿✿