Niku Niku

有朋友推介話此店牛肉好得。於是，上星期六晚booked咗4位6点。入到大坑内街，不容易找到此店，因為門口小及不顯眼。坐低後問店員有嘜推介，佢就推“厨師精選牛肉拼盤“，是5種不同部位牛肉各數片，然後推海鮮貝類，但我哋話不好海鮮想先食牛拼盤然後再追加散叫拼盤中我哋鍾意嘅牛肉。侍應姐姐一聽即提高聲調話價价$540嘅拼盤每種牛只有3片，不夠4個人分(其實我哋當中有小孩),話要加$180才每種每人一件。雖然我有d奇怪為何隣桌又係4位又叫同樣拼盤，点解不用加大。可能佢哋同時又叫酒，海鮮，而我哋只先叫拼盤(我地已同侍應講好食會追加), 侍應怕唔夠數或者真怕我哋唔夠食吧！？等咗大約15分鐘，牛拼盤上，值$720,只有共20片大約名片大細慨肉，當中只有牛肩是大概半吋厚切，其他都是正常薄切。侍應姐姐放下肉及大概講吓燒烤次就走關。我哋唯有自己動手。但火大猛，就算先烧最多油脂的肉都易焦及黏網。而且，其實我哋有小孩同桌都有d驚火太猛。當未食完拼盤時，我哋再叫幾碟肉($180-300+,有d只有4小片，有d係手掌size一塊一碟)。今次侍應姐姐殷勤多了，交細小小個火又幫我地燒，另外見到比我哋遲入嘅隣桌由第一碟拼盤開始已有waiter 幫烧...其實，咁嘅價錢同規定顧客要8点還枱，侍應幫顧客燒烤理應正常。。。最後賣單，没有酒水也要差唔多2千3。雖然，不太滿意，但自己一向都額外在加一之上再比tips。這次比咗15%。但侍應連一句多谢都無。老實講，此店牛肉質素好，但性價比太低！