午餐時間四周圍都好多人等位
做完運動心思思想食個豐富午餐
燒味飯絕對係不二之選
對比對面馬路嘅連鎖燒味餐廳
阿爺烤鴨望落都整齊乾淨
見到門口餐牌選擇又多
即管試一試
餐廳以燒鵝為主
因此點左一份阿爺燒鵝乳豬鵝油撈麵
燒味配白飯食得多
配撈麵未試過
而且標明鵝油，撈麵應該會好香
燒鵝大部份都多肉，肉質算滑
唔會骨慘慘
乳豬肉較為薄，但係乳豬皮都燒到脆卜卜
香口鬆化
鵝油撈麵望落去有啲失色
用筷子撩起成「餅」野
不過加啲清湯就變返鬆散
麵質彈牙但調味比較重
亦冇好期待嘅鵝油香味
但整體都有80分👍🏼
