樂天大喜屋 (已結業)

大胃口友人話出咗消費券想萬歲個午餐😝😝Be想鍚住佢荷包…而佢又想唔使就住就住食…所以見到呢間做緊88折嘅午市放題就入咗去!!一個價錢任叫任食無壓力！. 例牌叫盤刺身先😊當中最高質嘅係✨北海道鮮帶子 ✨蠑螺 ✨極品大赤蝦！望落閃閃令&食落又鮮甜！跟住貪得意叫咗迷你✨海膽手卷！味道唔腥而且mini版本食完唔怕滯住！而眾多壽司之中以✨深海池魚王壽司 最為特別！友人叫咗客✨極上花膠盛宴 ！厚厚一大塊花膠都咪話唔滋補！同埋✨牛肉壽喜燒 好多牛肉之餘仲有隻誘人滑蛋！而Be就最鍾意燒得軟糯嘅 ✨蒲燒鰻魚！一件接一件入口😍另外✨鹽燒雞軟骨 燒得香脆！✨鹽燒牛舌 亦夠香口惹味！除此之外仲去咗自助區拎咗✨芝士蛋糕 ＆ ✨朱古力mochi！唔會太過份甜！唔錯唔錯！當然我哋仲將冷盤…汽水…都掃咗一輪至捧肚投降🤣🤣. 折完再加一埋單每位只係兩嚿水左右🙌🏼質素以呢個價位嚟計係抵食嘅😉😉