山見台式火鍋 (如心廣場一期)

营业中

休息中

今日突然好想食台灣野，平時單點都幾貴，所以就選擇左任食台灣小食嘅山見台式火鍋，又有得打邊爐又有得食台式小食。揀左Lv.2，2個人分別選擇左山見青花椒麻辣湯(+$18)同牡丹美人鍋(+$25)，兩個鍋底都非常足料，味道好濃厚，麻辣湯椒麻味突出，十分惹味，辣度大概係中辣。牡丹美人鍋係濃厚嘅雞湯，有好多雪耳花膠紅棗杞子，味道非常鮮甜，建議未食之前飲左一碗湯先。Lv.2嘅2款牛肉都比較瘦，食咗2round就冇食了。雞肉滑但雞味較淡。不過選擇lv.2都預咗，本身都唔係諗住專攻牛肉。值得一讚嘅係自助位可以攞嘅菜非常新鮮，款式多，甚至有潺菜冰菜小松菜，全部都好鮮甜。而丸類都係來自台灣，牛筋丸爽彈juicy重牛味，紫菜魚丸都好食。自助吧熱葷都有好多選擇，藤椒煎魚好出色，滷排骨同豬大腸都唔錯，當然唔少得滷肉飯。但炸物就較為遜色，炸粉比較厚，可以唔食。落單點嘅蚵仔煎同糯米腸唔錯，可以一試。