老北京 (渣甸中心)

营业中

休息中

今日在銅鑼灣食lunch，揀咗一間北京飯店，全部客飯$65 ，而且仲可以以半自助的形式任添飯，糖水和前菜。環境好有老北京的風格，牆上掛滿字畫，書卷氣十足。自助位置就在中央部份，好方便。叫了兩份客飯糖醋魚片魚片外脆內軟，外皮好鬆脆，而且配料多，有菠蘿三色椒，蔥蒜等等，醬汁甜甜酸酸好餸飯。誠意推介。紅燒獅子頭手工菜一定要出街食。大大粒獅子頭，材料有豬肉蓮藕粒和馬蹄剁碎，醬汁比較濃。半自助方面，前菜小食方面，有粉絲豆腐，炒芽菜等等土豆絲等等，會不定時添加，而例湯真材實料有誠意。我最欣賞就係麥米綠豆沙，足料有水準，食咗兩碗。總括嚟講，性價比甚高，有誠意，下次會再encore。