越欣 (已結業)

第一次入「越欣」堂食, 之前去附近金椰林茶餐廳食沙爹牛肉麵好激氣! 完全冇醃製, 加塊超薄午餐肉都要$38. 「越欣」今日食沙爹牛肉煎蛋公仔麵, 沙爹牛肉有醃製過味道好唔鞋口, 煎蛋啱啱好唔會太燶，另外加一碟越南香茅豬扒(小) , 豬扒炸得鬆化唔會太肥膩, 唔燶, 公仔麵裏面有驚喜食食下有舊青檸仔 跟餐熱奶茶食得好飽都係$44蚊, 地方整潔, 上菜快靚正. 座位雖然唔太多, 小店嚟講佢算係有誠意, 職員有禮貌食物做得好之後一定會再幫襯！