影片
招牌菜
今日去「越欣」 餐牌有好多选择第一次食咖哩吉列猪扒煎蛋饭, 煎蛋啱啱好唔会㶶 , 即炸金黄色猪扒脆口松化内JUICY👍🏻唔会太油腻, 送饭一流! 第一啖咬落去超级脆 咖哩汁有层次, 色香味俱全见到即刻想食 跟餐热奶茶, 茶味浓,猪扒成块碟咁大, 食完好饱都系$46蚊, 地方干净,上菜快, 性价比好高 老板有礼亲切 值得推荐！ 会再去食. 同区茶餐厅起码都要$50蚊 重要试过唔好食, 下次可以试肉骨茶饭, 系区内少. 越式炸春卷都好吸引
继续阅读
第一次入「越欣」堂食, 之前去附近金椰林茶餐厅食沙爹牛肉面好激气! 完全冇腌制, 加块超薄午餐肉都要$38. 「越欣」今日食沙爹牛肉煎蛋公仔面, 沙爹牛肉有腌制过味道好唔鞋口, 煎蛋啱啱好唔会太㶶，另外加一碟越南香茅猪扒(小) , 猪扒炸得松化唔会太肥腻, 唔㶶, 公仔面里面有惊喜食食下有旧青柠仔 跟餐热奶茶食得好饱都系$44蚊, 地方整洁, 上菜快靓正. 座位虽然唔太多, 小店嚟讲佢算系有诚意, 职员有礼貌食物做得好之后一定会再帮衬！
继续阅读
今日系石荫路食下午茶，选了越欣，之前食越南河粉会去马会那边，今次试新嘢。旁边见到有人食海南鸡饭，好似几靓，下次可试，今次只叫咗$48 的生牛肉汤河包饮品，可加小食，一个人冇加。上餐快，汤几清，唔油腻, 上菜时也见到牛肉生上，试过在宝星下面泰国菜馆食生牛肉汤但上菜时牛肉全熟兼过熟，同泰国菜馆反应佢都唔啋你，所以已经唔会再去。越欣的牛肉质素普通，比较靱，但此价钱可接受。餐饮选了奶茶，都可以。下午茶都差唔多full house.
继续阅读
妈咪脚痛唔方便落楼，叫外卖自取返屋企一齐食，由落单到拎外卖只系15分钟内，超级快！🥢越南扎肉鸡丝 配河粉·牛骨汤意料之外咁大碗😳三块带有黑胡椒粒嘅扎肉，厚薄适中，食时有阵黑椒香味。鸡丝撕成幼条，连埋少许芽菜、洋葱、河粉一齐食口感唔错，咬到索索声。🥢呢碗系妈咪嘅香茅鸡扒 配汤檬·清鸡汤
继续阅读
根本唔系越南野，难食到爆。。今日食晏，见隔离米线好多人，于是转阵呢间，我叫左海南鸡饭$48，同事叫左生牛河$40，嘢食好快到，但真系唔知自己食紧乜个海南鸡饭根本唔系海南鸡饭鸡雪藏鸡唔紧要，个样好似煲汤汤渣咁，又鞋，又无乜鸡味，仲要斩到一岩一惭，成碟碎骨，仲有，无啦啦整啲葱油落去，食海南鸡饭系配葱油架咩？饭啲饭唔系油饭，佢俾黄姜饭，系无乜饭香，但我觉得唔算差，收货嘅酱我谂好多人都会同意海南鸡饭酱汁系好重要一环，佢俾左两只酱我，一个。。系麦当奴嘅泰式辣酱，系，你无睇错，另一个，我见颜色似样，一撩落去，稀dum dum,再试，下？...老抽黎嘅，系咪玩野吖我同事就话个生牛河无味总括黎讲，我觉得厨房唔单止求其，系连对个样食物嘅基本知识同基本功都缺乏
继续阅读