半島漁港/阿翁火鍋館

营业中

休息中

朋友仔生日去左天水圍半島漁港食晚飯，去到叫左孖寶清蒸老虎斑仔+豉油皇海生蝦，淮山雲耳炒鮮百合，極品BB豬，聖子皇，豐料老火靚湯，蟠桃大壽桃包。大量生猛海鮮,見到都覺得新鮮。清蒸老虎斑仔-魚肉鮮嫩，蒸既時間岩岩好唔會過火喉。再加返枝朝日就真係岩岩好。豉油皇海生蝦-味道夠入味又唔係好咸，蝦肉鮮甜可口。淮山雲耳炒鮮百合-蔬菜新鮮清甜，夠晒清新。極品BB豬-$1BB豬真係抵食夾大件，皮脆肉嫩又大碟。聖子皇-蒜蓉粉絲底夠晒入味，聖子皇又鮮甜可口。豐料老火靚湯-粉葛赤小豆湯唔會太油膩之外仲夠晒味，有著老火湯的味道。蟠桃大壽桃包-壽桃包唔會好甜，味道好香，蛋黃流油。仲有紅豆沙同桂花糕同樣出色，唔算太甜。